Kristján Eldjárn - Sauðárkrókur 1969

Forsetahjónin Kristján Eldjárn og Halldóra Eldjárn í opinberri heimsókn á Norðurlandi í ágúst árið 1969. Kirkjutorg á Sauðárkróki, bæjarbúar hafa fjölmennt til að taka á móti forsetahjónunum. Jóhann Salberg Guðmundsson, bæjarfógeti á Sauðárkróki, gengur með forsetahjónunum. Guðjón Ingimundarson, forseti bæjarstjórnar, flytur ávarp. Forsetahjónunum er svo sýndur bærinn og haldin er veisla forsetahjónunum til heiðurs í félagsheimilinu Miðgarði. Að lokum kveðja forsetahjónin Sauðárkrók.

Við stofnun lýðveldis á Íslandi var Vigfús Sigurgeirsson gerður að sérstökum ljósmyndara hins nýja forsetaembættis. Þeirri skyldu gegndi hann í forsetatíð Sveins Björnssonar og Ásgeirs Ásgeirssonar og skrásetti marga merkilega viðburði og ferðalög þeirra bæði á ljós- og kvikmyndum. Þessi kvikmynd er ein afar fárra sem hann tók af embættisverkum Kristjáns Eldjárns. Gunnar Geir Vigfússon, sonur Vigfúsar, tók svo við hlutverki hans sem ljósmyndari forsetaembættisins.