Myndefni úr fórum Óskars Gíslasonar ljósmyndara og kvikmyndagerðarmanns. Hér er um að ræða samsett myndbrot sem Óskar hefur tekið upp á ólíkum tímabilum, aðallega af fjölskyldu sinni og vinum. Einnig eru inn á milli kvikmyndir þar sem Óskar hefur verið að prófa sig áfram með nýja tækni, svo sem hjóðupptökur og lýsingu. Óskar (1901-1990) var einn helsti frumkvöðull íslenskrar kvikmyndagerðar og meðal þekktustu verka hans má nefna Björgunarafrekið við Látrabjarg, Reykjavík vorra daga og Síðasti bærinn í dalnum. Þessi kvikmynd veitir veitir innsýn í persónulegt líf Óskars. Oft er myndavélin gripin með á góðum stundum og beint að eiginkonu Óskars, Edith Gíslason, í sínu daglega lífi eða börnum þeirra að leik jafnt sumar sem vetur.
Athugasemdir
Það eru engar athugasemdir. Gerðu fyrstu athugasemdina