Ef einhver hefur fundið töggur í páskaegginu sínu má hér sjá að tögguframleiðslan hjá Nóa á sér nærri aldargamla hefð. Hér er skyggnst inn í sælgætisgerðina og sýnt hvernig sykur og smjör er soðið saman í karamellukvoðu. Þegar karamellan hefur storknað mátulega er hún skorin í kubba. Starfsstúlkurnar í verksmiðjunni handpakka töggunum svo í loftþéttan silkipappír og sendillinn ekur sælgætinu í verslanir.