Hundrað ár í Vesturheimi

Kjartan Ó. Bjarnason ferðaðist ásamt Finnboga Guðmundssyni um íslendingabyggðir í Bandaríkjunum og Kanada árið 1955 og tók upp líf og störf Vestur-Íslendinga sem sest höfðu þar að. Á ferðalaginu sýndi Kjartan einnig kvikmyndir sínar af Íslandi við mikla lukku. Myndin var sýnd árið 1956 á Íslandi, en virðist ekki hafa verið sýnd fyrr en árið 1970 vestan hafs.

Myndin hefst á sviðsettu atriði þar sem fjölskylda sést flytja úr Skagafirði vestur um haf á 19. öld. Síðan er farið vítt og breytt um Bandaríkin og Kanada og Vestur-Íslendingar heimsóttir í bland við svipmyndir af áhugaverðum stöðum í Bandaríkjunum.