Reykjavíkurmynd

Einstakar svipmyndir Kjartans Ó. Bjarnasonar af Reykjavík á frá fimmta áratugnum fram á þann sjöunda. Mörg kennileiti borgarinnar sjást, til að mynda Hallveigarstaðir, Hrafnista, Borgarspítalinn, Neskirkja, Háteigskirkja, Sjómannaskólinn, Melaskólinn, Iðnskólinn, Vesturbæjarlaug og Heilsuverndarstöðin. Staldrað er við í Nauthólsvík þar sem börn og fullorðnir njóta þess að baða sig í sjónum og leika sér í sandinum sem og 17. júní hátíðarhöldum í Laugardalnum, tískusýningu í Laugardalslaug og barnaskemmtun við Laugardalshöll árið 1967. Myndina sýndi Kjartan mögulega á sýningarferðum sínum um landið, en hún hefur þó verið með hans síðustu, þar sem hann hætti kvikmyndagerð undir lok 7. áratugarins.