Sveitalíf á Íslandi

Ein af nokkrum gullfallegum myndum sem Kjartan setti saman um lífið í sveitum á Íslandi og sýndi bæði á Íslandi og erlendis. Mikið af myndum af börnum við ýmiss sveitastörf sem og við leik í sveitum landsins. Kýr, kindur, hestar, svín, hænsn, endur, kettlingar og hvolpar. Réttir, gjafir, rúningur, ullarvinna, sláttur, rakstur, jarðvinna og margt fleira má sjá í myndinni sem fer mjög víða í sveitastörfum á fimmta áratug 20. aldar á Íslandi. Í myndinni má sjá mikið af myndefni sem Kjartan nýtti í öðrum myndum og er myndin ansi lýsandi fyrir verklag hans við að nýta efni í fleiri en einni mynd til sýninga og spara þar með peninga og fyrirhöfn.