Myndir

Íslandsmynd Sambandsins

1939, 69 min., Þögul

Samband íslenskra samvinnufélaga lét gera myndina. Myndin lýsir árshring mannlífsins í gamla bændasamfélaginu frá vori og fram á vetur. Sýnt er hvernig akrar eru plægðir, korni sáð og kálplöntur gróðursettar. Einnig er skorið torf, hestur járnaður og nautgripum hleypt úr fjósi að vori. Kona mjólkar geitur í stekk. Refir og yrðlingar í refabúi. Sýnt er frá æðavarpi við grýtta strönd, sem og egg og hreiður ýmissa fugla, m.a. hrafnsungar á nokkrum laupum. Fé er rekið saman og rúið. Ullin er þvegin og breidd til þerris. Myndskeið úr Gefjun ullarverksmiðju samvinnumanna og af saumastofu Gefjunar. Kýr mjólkaðar í fjósi og sýnt frá vinnslu afurða á borð við mysuost og rjómaost í mjólkurbúi. Þá er sýndur sauðburður og vinna við heyskap. Myndir af jarðhitasvæðum og gróðurhús með tómötum vínberjum og afskornum blómum. Stangaveiði í straumharðri á. Myndir frá sjávarútvegi og síldarsöltun. Reykjarský liggur yfir bænum og höfninni. Sjóflugvél lendir á haffletinum. Ræktun og uppskera á kartöflum, rófum og fleira grænmeti. Tilraunir með kornrækt. Göngur og réttir með tilheyrandi hamagangi. Myndefni úr sláturhúsi og af kjötafurðum til útflutnings. Sýnd sútun á skinnum, leðurvinna og skósmíði. Fallegt landslag á mismunandi árstíma, m.a. frá Mývatni, Skógafossi og Geysi.

 

 

 

Lestu hér

Kommentarer

Það eru engar athugasemdir. Gerðu fyrstu athugasemdina

Athugasemdir

Það þarf að samþykkja athugasemd þína áður en hún birtist á vefnum.
Hafið samband við Kvikmyndasafn Íslands ef upp koma tæknileg vandamál Sjá kvsi@kvikmyndasafn.is.
Viltu kaupa afrit af myndinni eða klippt? Hafðu samband filmarkivet@dfi.dk.