Fjölskylda Óskars Gíslasonar II

Myndefni úr fórum Óskars Gíslasonar ljósmyndara og kvikmyndagerðarmanns. Óskar (1901-1990) var einn helsti frumkvöðull íslenskrar kvikmyndagerðar og meðal þekktustu verka hans má nefna  Reykjavík vorra daga, Björgunarafrekið við Látrabjarg og Síðasti bærinn í dalnum. 

Þessi kvikmynd samanstendur af myndbrotum sem Óskar tók upp á ólíkum tímabilum, aðallega af fjölskyldu sinni og vinum. Má þar nefna leiki barnanna í garðinum heima, jól, afmæli og lautarferðir á Þingvelli.