Vestmannaeyjar

Mynd sem Kjartan tók í Vestmannaeyjum á vegum Fræðslumálastjóra árin 1942-1943. Yfirlitsskot yfir Vestamannaeyjabæ og nokkur skot af höfninni, en annars lítið efni úr byggð. Myndin sýnir aðallega aðferðir við lundaveiðar í björgunum og menn að síga í björg í leit að eggjum. Fallegar myndir af fuglalífi einkenna myndina og langvíur, súlur, stuttnefjur og lundar sjást í fuglabjörgunum við eyjarnar.